Sahas - साहस

 Mai sina taan ke sahas se khada tha,

ek nafrat ki aandhi ayi mujhe thoda jhuka gyi,

dukho ke baadal aaye mujhe thoda rula gaye,

fir pareshaniyon ka toofan aya,

mujhe apne sang uda gya.

Na jaane usne mujhe kis akelepan ke 

ragistaan mei jaa giraya,

ab mera sahas bhara shareer bhi

madad ki guhar lagane laga,

jo pehle na darta tha kisi se kabhi,

ab apni parchayi se bhagne laga,

jise pehle lagta tha 

ki wo kuch bhi haasil kar sakta hai,

ab apne astitva pe shak karne laga,

usne kabhi na socha tha 

ki wo kabhi yu bhi ladkhadayega,

aur khudke pairon pe chalna bhi na chahega.

Ab wo sochne laga.....

ki aisa bhi kya jeena,

jismein wo sar bhi naa uthapayega,

to usne thaam liya ek rassi ka haath,

aur le li ek seedhi apne saath,

wo to badhaane laga tha apne kadam

taaki tod sake ye dum.

Par naa jaane kha se ek awaaz ayi,

aur wo aawaaz ne ek prashna jataya,

ki wo aisa kyu karne wala tha

apno ko yuhi kyun chodne wala tha,

wo kuch na bol saka

usne aisa na jaane kabhi kyun nhi socha,

Uss awaaz ne usse bas ek baat kahi, 

sahas to na jaane iss duniya mei kitno ka tuta hai,

par kitno ne yeh raasta apna ne ka socha hai?

maana saahas tumhara toot chuka 

par bhulo mat, tumhare paas tumhare dost aur parivaar hai

jo asahasi(असाहसि) hone par bhi tumhe apnayenge,

aur tumhe fir se sar uthana sikhayenge....

Bas itna sunte hi usmei ek josh sa bharne laga,

usne choda rassi aur seedhi ka saath,

aur thaam liya apno ka haath,

aur fir usne paya 

ki ye sahas to bas ek naam hai,

asal mei ye apno ka saath hai,

ye apno ka saath hai......